КОРОНАВИРУС тоодоггүй ТОМ ТОЛГОЙТОЙ ДАРГА нар

Улсын онцгой комиссын хуралдаан өчигдөр буюу /2020.02.10/ болж БНХАУ болон дэлхийн 24 улсад дэгдээд буй коронавирустай холбоотой асуудлыг хэлэлцсэн. Коронавирус дэлхийн улс орнуудыг сандаргаж БНХАУ-д халдвар авсан хүний тоо 42 мянга хол давж, 1016 хүн өнөөдрийн байдлаар нас бараад байна. ЭМЯ-ны  мэдээллээр Манай улсын Гашуунсухайтын боомтоос 120 км зайд орших Халиун гэх газарт коронавирусээр хоёр хүн халдварласан, хилтэй ойр ирсэн учраас сонор сэрэмжтэй байхыг сануулсан. Үхлийн аюултай Коронавирус хаалга тогшиж байхад Монголын дарга нар үл тоож хүйтэн хөндий, хариуцсан ажилдаа сэтгэлгүй хандав. 
Тодруулбал Онцгой комиссын хуралдаанд зарим сайд дарга нар ирээгүй нь үхлийн аюулт өвчин коронавирустэй холбоотой асуудлыг хэлэлцэхэд саад болж Улсын онцгой комиссын дарга Ө.Энхтүвшинг бухимдуулав. Улсын онцгой комиссын хуралд ирдэггүй, том толгой гаргадаг дарга нарын нэрийг дурдвал: ХХААХҮ-ийн сайд Ч.Улаан гадаадад томилолттой, Эрчим хүчний сайд Ц.Даваасүрэн өөр ажилтай,  Барилга, хот байгуулалтын сайд Х.Баделхан ирээгүй, УУХҮ-ийн сайд Д.Сумъяабазар өөр ажилтай, ЗТХ-ийн сайд Б.Энх-Амгалан ажилтай, Нийслэлийн засаг дарга бөгөөд Улаанбаатар хотын захирагч С.Амарсайхан өөр ажилтай, ТЕГ-ын дарга Д.Гэрэл, ЦЕГ-ын дарга нар хоорондоо уулзаад завгүй, МХЕГ-ын дарга Н.Цагаанхүү өвчтэй, Гаалийн ерөнхий газрын дарга Б.Асралт ирээгүй , ХЗДХ-ийн яамны Төрийн нарийн бичгийн дарга Г.Билгүүн ер нь ирдэггүй, Сангийн яамнаас ер нь хуралд ирдэггүй гэсэн шалтгаануудыг хэллээ.