Америкт ижлээ хайсан чоно 12 мянган км зам туулжээ

АНУ-д сүргээсээ тасарсан гичий чоно ижлээ хайж 12 мянган км зам туулсан тухай “Unilad” сайт мэдээлж байна. 2017 оны намар эрдэмтэд OR-54 гэж бүртгэгдсэн гичний чоныг барьж, байршил тогтоогчтой хүзүүвч хийж, шилжилт хөдөлгөөнийг нь ажиглах болжээ. 2018 оны намар OR-54 нь ойлгомжтой шалтгаанаар сүргээсээ тасарч ганцаар явах болсон байна. Үүний эрдэмтэд хамтрах эрэгчин чонын эрэлд гарсан гэж тайлбарлаж. Ингэснээр OR-54 нь ижлээ хайн Орегон, Невада, Калифорни мужуудыг туулж, нийт 12,9 мянган км зам туулжээ.Харамсалтай нь 2019 оны сүүлээр хүзүүвч дэх байршил тогтоогч нь ажиллагаагүй болсноор цаашдын шилжилт нь мэдэгдэхгүй болсон байна. Гэтэл OR-54 чоныг үхсэн байхыг нь энэ сарын 5-нд Калифорни мужаас олжээ. Одоо Калифорни мужийн мэргэжилтнүүд чонын үхлийн шалтгааныг тодруулахаар ажиллаж байгаа аж.

Калифорни мужид гэрийн тэжээвэр малыг хамгаалах үндэсний хөтөлбөрийн хүрээнд чоныг XX зууны туршид олноор нь устгасаар бүрэн үгүй хийжээ. Харин 2000 оны эхээр чоно ахин үзэгдэх болсон байна. Тэр цагаас хойш мужийн эрх баригчид чоныг тусгай хамгаалалтад авсан. Одоо тус мужийн хуулиар чоно агнасан этгээдэд 100 мянга долларын торгууль ногдуулж, 1 жил хорих ялаар шийтгэдэг.