“Diamond Princess” усан онгоц дээр коронавирусийн ахин 60 тохиолдол бүртгэгджээ

Японы Йокогама боомтод тусгаарлагдаад байгаа аяллын “Diamond Princess“ усан онгоц дээр коронавирусийн ахин 60 тохиолдол илэрсэн тухай “Киодо” агентлаг мэдээлсэн байна. Ингэснээр тус усан онгоцон дээр аялаад халдвар авсан хүний тоо 130 болжээ.

Тус усан онгоцыг хоёрдугаар сарын 19 хүртэл тусгаарлана гэж мэдэгдэж байсан ч ийнхүү ахин олон арван тохиолдол бүртгэгдсэн тул тусгаарлах хугацааг ахин сунгах бололтой. Түүнчлэн өмнө нь зөвхөн халдвар авсан байж болзошгүй гэж үзсэн хүмүүсээс шинжилгээ авч байсан бол одоо бүх 3600 гаруй хүнээс шинжилгээ авах боломжийг судалж байгаа тухай Японы Эрүүл мэндийн сайд Кацунобу Като мэдэгдсэн байна.