Б.Пүрэвдорж: Би казино тоглосон, тэр үед хуулиар хориглоогүй байсан

УИХ-ын гишүүд болон төрийн албан тушаалтнууд гадаадад казино тоглосон талаарх мэдээлэл, гэрэл зураг гарч, Засгийн газраас хариуцлага тооцож эхэлсэн. Хамгийн сүүлд УИХ-ын гишүүн Д.Тогтохсүрэн, Д.Эрдэнэбат, Д.Лүндээжанцан нар казинод байгаа зураг ил болсон. Харин тэд "тоглоогүй" хэмээн мэдэгдсээр байгаа юм. 

Үүнтэй зэрэгцэн УИХ-ын гишүүн Б.Пүрэвдоржийн казино  тоглосон гэрэл зураг ил болсон бөгөөд энэ талаар манай сэтгүүлч  өөрөөс нь тодруулахад "Би казино тоглосон. Энэ бол эртний зураг. Би гэр бүлийнхэнтэйгээ амралтаараа явж байгаад буудлын 50 ам.долларын вавучир өгөхөөр нь тоглосон. Энэ үед казинод тоглохыг хуулиар хориглоогүй байсан. 2019 оны дөрөвдүгээр сард Төрийн албан хаагчийн ёс зүйн дүрэмд өөрчлөлт оруулж казинод тоглохыг хориглосон. Үүнээс хойш би казинод тоглоогүй, тоглохгүй. Төрийн олон зуун сая ам.доллароор тоглосон хүмүүс байна. Казинод хүн хэзээ ч хождоггүй гэдгийг би маш сайн мэднэ. Тиймээс монголчууд казинод тоглох хэрэггүй." гэсэн тайлбар хэллээ.