Корона вирусын дэгдэлтийн талаар анх мэдээлсэн эмч нас баржээ

Шинэ төрлийн титэм вирусийн талаар анхлан сануулж байсан хүмүүсийн нэг болох мөн өөрөө энэ төрлийн халдвар авсан эмч Ли Вэнлиань нас барсан талаар Хятадын хэвлэлүүд мэдээлсэн талаар ВВС дамжууллаа. Эх сурвалжийн мэдээлснээр, эмчийг нас барсан талаар өмнө нь мэдээлэл гарсан ч Хятадын хэвлэлүүд энэ мэдээллийг тун удалгүй устгасан бөгөөд энэ нь нас баралтын талаарх мэдээллийг дамжуулах асуудалд хяналт тавьж байгаатай холбоотой гэнэ. 

Ли эмч 34 настай байжээ. Мэргэжилтнүүдийн өгүүлж байгаагаар шинэ төрлийн титэм вирусийн улмаас амиа алдсан хүмүүсийн ихэнх нь 60 болон түүнээс дээш насныхан, эсвэл дархлааны тогтолцооны ужиг өвчтэй хүмүүс байгаа гэнэ. Харин Ли эмчийн хувьд өөр суурь өвчин байсан эсэх талаар мэдээлэл гараагүй байна.  Ли Вэнлиань титэм вирусын талаар анхааруулсныхаа төлөө сануулга авч байжээ.