Прагматик улс

АНУ ба ОХУ-ын харилцаа сүүлийн хэдхэн жилийн дотор огцом муудсаныг дэлхий даяар мэдэж буй. Оросыг буруутгахгүй зүйл гэж алга болсон гэвэл ер хэтрүүлэг болохгүй. АНУ-ын Ерөнхийлөгчийг сонгуульд хөндлөнгөөс оролцож Трампыг ялуулсан гэдгээс эхлээд аль нэг намын мэдээллийн санд нууцаар нэвтэрсэн хакерын дайралт гэсэн Америкт болж байгаа дуулиантай, сөрөг гэсэн юм болгонд буруутгаж байна.

Иймд АНУ нь боломж л таарвал юм болгон дээр хориг арга хэмжээ авч, холбоотон улсуудаасаа мөн адил Оросын эсрэг хориг арга хэмжээ авах, Оросоос газрын тос, шатдаг хийнээс эхлээд зэвсэг хүртэл ямарваа нэг зүйл худалдаж авахгүй байхыг  ил далд шахаж шаардаж байдаг нь хэдийн нууц биш болсон.

Гэтэл АНУ-ын эрчим яамны дэргэдэх Эрчим хүчний мэдээллийн удирдах газраас гаргасан мэдээгээр 2019 оны 1-11 саруудад АНУ-д нийлүүлсэн газрын тос ба газрын тосны бүтээгдэхүүний хэмжээгээр ОХУ нь Мексикийн шахан хоёрдугаарт орж ирсэн байна.

Орос нь АНУ-д 20,9 сая баррель газрын тос, газрын тосны бүтээгдэхүүн худалдаж авч хоёрдугаарт орсон. Нэгдүгээрт орсон Канад нь 136,5 сая баррель газрын тосыг Америкт нийлүүлсэн бол гуравдугаарт орсон Мексик нь 17 сая баррелийг, Саудын Арави нь 13,7 сая баррелийг тус тус нийлүүлжээ.

Өнгөрсөн жил АНУ нь ОХУ-ын эдийн засагт 252 тэрбум долларын шууд шууд хөрөнгө оруулалт хийж, нэгдүгээрт орсон тухай НҮБ мэдээлж байсан юм.

Өөрөөр хэлбэл Америкчууд Оросыг буруутгаж, янз бүрийг хориг арга хэмжээ авдаг, бусад улсаас Оростой аль болох бага хамтрахыг шаарддаг ч өөрсдөө ашигтай гэж үзвэл ямар ч дайсантайгаа наймаа хийж чаддаг туйлын прагматик сэтгэлгээтэй улс гэдгээ харуулсаар байна.