С.Чинзориг. Мэргэжлийн сургуулийн оюутнуудад сар бүр 200 мянган төгрөгийн тэтгэлэг олгоно

Цагаан сараас өмнө тэтгэвэр барьцаалсан 6 сарын хугацаатай зээлийн нөхцөлийг тогтоохоор Монгол банк, арилжааны банкнуудтай ажиллаж байна.

Мөн “Эрдэнэс Монгол” компанийг 900 тэрбум төгрөгийн бонд гаргахыг зөвшөөрсөн ЗГ-ын тогтоол орж ирээд хэлэлцэгдэнэ.

Тэтгэвэр барьцаалсан зээлийн төлбөрийг төрөөс нэг удаа тэглэж байгаатай холбоотойгоор хоёр журам батлах ёстой. Нэг нь, тэтгэвэр барьцаалсан зээлийг олгохтой холбоотой журам батлагдана. Тэтгэврийн зээлгүй байсан ахмадуудад 1 төгрөгийг үнэт цаас олгох журмыг батална. Эдгээрийг баталбал “Эрдэнэс Монгол” компани бондоо гаргаад Хөгжлийн банк зөвшөөрлөө олгосноор арилжааны банкнууд арилжаалах процесс үлдэнэ.

Засгийн газрын тогтоолоор шинэчлэн баталсан Нийгмийн даатгал сангаас олгох тэтгэврийг шинэчлэн тогтоосон хэмжээгээр нь тэтгэвэл авагчдад олгох арга хэмжээг зохион байгуулаад үндсэндээ дуусаж байна. Юуны өмнө хоёрдугаар сарын тэтгэврээс зээлийн төлбөр тооцохгүй, ЗГ-ын шинэчлэн тогтоосон тэтгэврийг 100 хувь олгох арга хэмжээ авсан. Хоёрдугаарт, нэгдүгээр сарын төлбөрөөс зээлийн үлдэгдлийг тооцон суутгасныг нь эргүүлэн тэтгэвэр дээр нь олгуулах арга хэмжээ авсан.

Нэгдүгээр сарын тэтгэврээс суутган тооцсон зээлийн төлбөр гээд нийт 46 тэрбум төгрөгийг тэтгэвэр авагчдад хоёрдугаар сарын тэтгэвэр дээр нь нэмж олгох тухай дүн мэдээтэй танилцсан.

Хоёрдугаар сарын тэтгэврээс 57,9 тэрбум төгрөгийн зээлийг суутгаагүй гэсэн дүн гарч байна. Ингэснээр тэтгэврийг төлбөрийг суутган тооцолгүйгээр 105 тэрбум төгрөгийн тэтгэврийг хоёрдугаар сарынх дээр олгохоор болсон.

-6 сараар тэтгэврээ авах боломж нээгдсэн үү?

-Урьдчилсан байдлаар ийм зээлийн хүү 6 хувиас хэтрүүлэхгүй байх гэсэн тооцоо байгаа. Энэ талаар банкнуудтай ярилцана. Өмнө нь тэтгэврийн зээлийн 70 хувийг нь зээлд суутгаад 30 хувийг нь тэтгэвэр авагчдад өгч бай гэж Засгийн газар нөхцөл оруулж ирсэн. Үүнээс дордуулахгүй л шийднэ. Эцсийн шийдвэр гараагүй. Үүнийг сар шинээр шийдэх бодолтой ажиллаж байна.

- Мэргэжлийн боловсролын сургуулийг тэтгэх бодлого хэрэгжүүлж байгаа. МБС-байгууллагуудын тэтгэлийн хэмжээг хоёр дахин нэмэгдүүлж 200 мянган төгрөг болгохыг дэмжсэн. МБС-байгууллагуудад сурлалцагсдад нас харгалзахгүй тэтгэлэг олгоно гэж байсан ч 45 –аас доош насны хүмүүст тэтгэлэг олгохоор болсон.

-МБС байгууллага улсын хэмжээнд 37 мянган иргэн суралцаж байна. Олсон мэргэжлээ тулгуурлаад өөрөө ажлын байр бий болгохыг нь санхүүгийн хөнгөлөлттэй зээл олгодог, багаж тоног төхөөрөмж лизингээр олгох замаар дэмжинэ.