Халдвар авсан хүний тоо 20 мянгыг давж гарлаа

БНХАУ-ын Эрүүл мэндийн үндэсний комиссоос титэм вирусийг тархалтын талаарх хамгийн сүүлийн үеийн мэдээг гаргасныг “Синьхуа” агентлаг уламжилсан байна.

Хоёрдугаар сарын 4-ний байдлаар Хятадад шинээр халдвар авсан 3225 тохиолдлыг бүртгэсэн бол 64 хүн энэ халдварын улмаас нас барсан байна. Ахин 5000 хүн вирусийн халдвар авсан байж болзошгүй гэсэн сэжигтэйгээр эмчийн хяналтад оржээ.

Мөн сүүлийн нэг хоногийн дотор 492 хүний өвчний явц хүндэрсэн бол 157 хүн эдгэрч гарчээ.

Ингэснээр нийт халдвар авсан хүний тоо 20 мянга 438 болсон бол нас барсан хүний тоо 492 болов. Харин эдгэрсэн хүний тоо тууштай нэмэгдсээр 632 болсон байна.

Гэхдээ цаана нь нэгдүгээр сэргийн хавьтал гэсэн 171 мянга 239 хүн эмнэлгийн хяналтад байна гэхээр тайвширч эхлэх хараахан болоогүй бололтой.