Хилс хэргээр 43 жил хоригдсон эр нөхөн төлбөр авч чадсангүй

АНУ-ын Флорид мужид амьдардаг Клиффорд Уильямсон нь хил хэргээр 43 жил хоригдоод цагаадсан ч 2,5 сая долларын нөхөн төлбөр авах боломжгүй болсон тухай “The Black Detour” бичсэн байна.

Клиффорд Уильямсон ба түүний хамаатсан Нэтен Мэйерс нарыг 1976 онд Жексонвилл хотын оршин суугчийн аминд хүрсэн, өөр хүнийг хөнөөхийг завдсан хэрэгт буруутай гэж үзээд  олон жил хорих ял ногдуулж. Үүнээс хойш 43 жилийн дараа буюу 2019 онд энэ хоёрыг буруугүйг нотлох баримт гарч ирсэн тул гэм буруугүйд тооцон сулласан аж.

Форид мужийн хуулиар гэм буруугүйг нотлох баримт байгаа тохиолдолд хилс хэргээр шийтгэгдсэн хүн шоронд ял эдэлсэн 1 жил тутамд 50  мянга хүртэл долларын нөхөн төлбөр авах боломжтой аж. Энэ хуулийн дагуу Мэйерс нь 43 жил хилсээр шийтгэгдэн хоригдсоны төлөөс гэж  2,5 сая доллар авах ёстой байсан. Энэ тухай иргэний хэргийн шүүх болж Уильямсонд мөнгийг олгохыг бүгд дэмжсэн ч хуульд урьд нь ял эдэлж байсан хүнд нөхөн төлбөр олгохгүй гэсэн нэмэлт заалт байсан тул нөхөн төлбөр өгөх ёсгүй болж таарчээ. Учир нь, Уильямсон өмнө нь хоёр ч удаа ял эдэлж байсан хүн юм байна.

Иймд өдгөө 77 настай Уильямсон Флорид мужаас нөхөн төлбөрөө авахаар зарга үүсгээд байгаа аж.