АНУ нь Хятадаар дамжин ирсэн гадаадын иргэдийг хилээрээ нэвтрүүлэхгүй буцаана

АНУ нь сүүлийн хоёр долоо хоногийн хугацаанд БНХАУ-д айлчилсан гадаадын иргэдийг хилээр нэвтрүүлэхгүй байх шийдвэр гаргасан байна. Хятадын Хубэй мужид сүүлийн 14 хоногийн дотор айлчилсан иргэдийг Америкт ирснийх нь дараа заавал 14 хоног тусгаарлаж байхаар болсон байна.

Түүнчлэн АНУ-аас ирж байгаа нислэгийг Америкийн зөвхөн долоо нисэх буудалд хүлээн авч байхаар болжээ.

Япон улсад бүртгэгдсэн хоёр тохиолдлыг эс тооцвол  дэлхийн бусад оронд бүртгэгдсэн бүх тохиолдол нь Хятадаас, бүр тодруулбал Хубэй муж, Ухань хотоос ирсэн хүмүүс байж таарч байгаа тул улс орнууд ийм арга хэмжээ авч байгаа бололтой.

Хамгийн сүүлд Израйль нь Москвагаар дамжин ирсэн Хятадын 38 иргэнийг хилээрээ нэвтрүүлэхээс татгалзан буцааж Москва руу явуулсан байна. 

Үүний өмнө Хубэй мужаас иргэдээ аваад буцаж явсан Германы онгоцыг Москвад түр буух хүсэлт тавихад Оросын тал хүлээж авалгүй татгалзаж, нэлээд маргаан үүсгээд байсан юм.