Ж.Батзандан: МУ-д коронавирус илэрснийг нуусан гэж бидэнд санал ирүүлсэн иргэдийн 41 хувь нь үзэж байна

Асуулт:

Л.Болд: Эрүүл мэндийн байгууллага маш сайн ажиллаж байна. Аргагүй л Засгийн газартай улс шиг шуурхай ажиллаж байна. Харин бэлэн байдлыг хангах, нөөц бэлдэх тал дээр ямар байдаг вэ? Жишээ нь, маск бол удаан хадгалах муудахгүй. Тэгэхээр нөөцлөх боломжтой.

Хариулт:

Д.Сарангэрэл: Цаашид нөөцлөх асуудлыг хаа хаанаа ярьж байна. Засгийн газар, Улсын онцгой комисс шаардлагатай үед хуралдаж арга хэмжээ авч байна. Мөнгө байлаа гээд нөөц байхгүй бол ямар ч арга алга байна.

Асуулт:

Ж.Батзандан: Японоос оношилгооны аппарат орж ирээд хэдхэн хонож байгаа мэдээлэл байна. Энэ аппаратаар 24 цагийн дотор онош тогтоох боломжтой юм байна. Тиймээс 21 аймаг, дүүрэг бүрд хуваарилах шаардлагатай юм байна. Вакцины нөөцийг бүрэн хангах хэрэгтэй байна.

Санал ирүүлсэн иргэдийн 41 хувь нь Монголд ороод ирсэн вирусийг нуусан гэж үзэж байна.

Вирус гарсантай холбоотой маскны үнэ нэмэгдсэн асуудал яригдаж байна.

Хариулт:

Д.Сарангэрэл: Шинэ өвчин учраас дэлхий дахинд оношлуур байгаагүй. Тиймээс бид шинээр гарсан оношлуурыг яаралтай авчрах чиглэлээр Японы Засгийн газартай холбогдож, яаралтай авчирсан. Ном журмаар нь авсан бол долоо хоногийн дараа авчрах байсан.

МУ-д коронавирусын нэг ч тохиолдол илрээгүй байна.н Илэрсэн бол нуух ямар ч шаардлагагүй. Нуусан бол үндэсний аюулгүй байдлын эсрэг, ард түмнийхээ эсрэг ажилласан хэрэг болно.