Б.Бат-Эрдэнэ: Хаалганы бариулаа ариутгасан даавуугаар ороо гээд л, маргааш нь битгий ороо гээд л... яах ёстой вэ?

Асуулт:  Б.Бат-Эрдэнэ:

• ЭМЯ мэдээллээ нягталж  байж өгөөч. Австрали явсан монгол иргэн халдвар авсан гээд, аваагүй гээд мэдээлэл өгөөд байна. Мэдээллээ нягтал.
• Ариутгал, урьдчилан сэргийлэх ажил нь өөр өөр байна. Маск зүүх хэрэгтэй гэснээ хэрэггүй болсон гээд, хаалганы бариулаа даавуугаар ороо гэснээ хэрэггүй гээд, төөрөгдүүлээд байна. Маскны ган үйлдвэртэй, өөр арга байхгүй гээд суугаад байх юм.

Хариулт: Д.Сарангэрэл:

• Австралиас ийм мэдээлэл ирсэн. Ирсэн мэдээллийн төлөө Мын эрүүл мэндийн байгууллагын ажилтнууд хариуцлага хүлээхгүй. Харин ч түүний араас хөөцөлдөж, тухайн хүнээ олж авсан болохоор одоо тэр хүн эрүүл саруул ажлаа хийгээд явж байна.

Санал Б.Бат-Эрдэнэ: Улстөрийн хүн ороод ирсэн болохоор ийм хариулт хэлээд сууж байна. Илүү хариуцлагатай баймаар байна.

Д.Сарангэрэл: Австралийн талаас ташаа мэдээлэл өгснөө хэлсэн. Бид лавлаагүй бол тухайн иргэнээ олж, оношийг үгүйсгэх боломж гаргахгүй л байсан. Өөрт хамааралгүй алдаагаа манай эрүүл мэндийн байгууллагын ажилтнууд хүлээх ёсгүй. Тэгж урам зоригийг нь мохоож болохгүй. Ялангуяа УИХ-ын танхимаас ийм асуудал гаргаж болохгүй.