Англи хэл сайн мэдэхгүйн гайгаар 2,6 сая доллароо луйвардуулжээ

Америкийн Массачусетс мужийн Нью-Бедфорд хотод амьдардаг Жоао  Луис ДаПонте нь англи хэл сайн мэдэхгүйн улмаас сугалаагаар хожсон 2,6 доллароо луйвардуулссан тухай “The Independent” сонин мэдээлсэн байна.

Жоао  Луис ДаПонтегийн төрөлх хэл нь португал. Тэрээр сугалааны тасалбар дээр нь  “4mil” доллар хожсон гэж уншжээ. Гэтэл португал хэлээр “mil” гэдэг нь “мянга” гэсэн утгатай байж. Иймд Жоао нь сугалаагаар 4000 мянган доллар хожлоо гэж боджээ. Улмаар сугалааныхаа тасалбарыг өөрийн танилууд болох Мария Оливейра, Сюзанна Гаспар нарт өгөөд тасалбарын дагуу 4000 долларыг очиж авахыг хүсжээ. Ингэж тус болсны хариуд 200 долларын шан өгөхөөр тохирчээ.

Ингээд Мария Оливейра, Сюзанна Гаспар нь сугалааны төв дээр очтол сугалаан дээрх “4mil” гэдэг нь 4 сая доллар байжээ. Иймд тэд хожлоос төлөх ёстой татварыг суутгуулсны дараа 2,6 сая доллар бэлнээр авсан ч хожсон эзэнд нь хэлэлгүйгээр хүлээж байсан 3800 долларыг нь өгч, бусдыг нь хуваан завшсан байна.

Жоао нь асар их мөнгө хожсон тухайгаа цаашид ч мэдэхгүй байж болох байсан ч дундын танил нь түүнтэй ярилцахдаа Мария Оливейра, Сюзанна Гаспар хоёр сугалаагаар 2,6 сая доллар хожсон гэж ярихыг сонсоод учрыг ойлгосон байна. Одоо Жоао нь хожлын мөнгөө авахаар шүүхэд хандан нэхэмжлэл гаргаад байгаа юм байна.

Гэвч Мария Оливейра, Сюзанна Гаспар хоёр нь хэзээ ч сугалааны хожилтой тасалбар авч байгаагүй гэж тас гүрийж байгаа гэнэ.