Хятадад 2019-nCoV вирусийн халдвар авсан 47 хүн эдгэрч гэртээ харьжээ

БНХАУ-д 2019-nCoV коронавирусийн халдвар авсан гэж сэжиглэгдэн шалгагдаж байгаа хүний тоо 15238 болсон байна. Нийтдээ Хятадад халдварын нэгдүгээр хавьтал 113579 хүн эмч, эмнэлгийн хяналтад байснаас 4201 хүнийг нь эрүүл гэж гэр рүү нь явуулсан бол 102427 хүнийг үргэлжлүүлэн хянаж байна.

Мөн халдвар анхны тохиолдлыг албан ёсоор бүртгэгдсэнээс хойш энэ өвчний халдвар авсан ч эмчилгээ хийлгэн эдгэрсэн хүний тоо 171 болсон байна. Эднээс 47 нь сүүлийн нэг хоногийн дотор эмчлэгдэн эдгэрч, гэртээ харьцгаажээ. Эмч судлаач нар шинэ төрлийн коронавирусийг эмчлэх боломж, аргачлалыг тасралтгүй эрж хайж байгаа нь үр дүнгээ өгч эхэлсэн тухай мэдээ олон ирж байна. Иймд Хятадын эрх баригчид коронавирусийн тархалтыг зогсоож чадна гэдэгтээ бүрэн итгэлтэй байгаа, ингэх бүх боломж, бололцоо байгаа гэдгийг БНХАУ-ын ГХЯ-ны төлөөлөгч Хуа Чуньин албан ёсоор мэдэгджээ.