Хятадын эрх баригчид өвчнөөр далимдуулан хонжоо хайгчдыг шийтгээд эхэллээ

Коронвирусийн өвчлөлөөр далимдуулан ашиг хонжоо хайгчидтай хатуу тэмцэх тухайгаа Хятадын эрх баригчид удаа дараалан мэдэгдсэн. Амлалтаа биелүүлэн шийдвэртэй арга хэмжээ авч эхэлсэн тухай Засгийн газрынхаа сайт дээр мэдээлсэн байна. Тухайлбал, Тянжин хотод амны хаалтыг зах зээлийн үнээс 10 дахин өндөр үнээр дамлан зарж багагүй ашиг олж байсан эмийн санг тус хотын захиргаанаас 3 сая юаниар торгосон байна. Мөн Иу хотод чанарын шаардлага хангахгүй амны хаалт борлуулж байсан таван хүнийг баривчилжээ.

Өвчний халдвар газар авахыг дагаад амны хаалт нь хамгийн эрэлттэй бараа болж хувираад байгаа юм. Хятадад төдий Сингапур, Хонконгт зэрэг улсуудад хүмүүсийн амны хаалт авахын тулд эмийн сангийн гадна дугаарлан зогсож эхэлсэн байна. Иймд ашиг хонжоо хайгчид хамгийн түрүүнд амны хаалтыг дамлах, чанарын шаардлага хангахгүй хуурамчийг үйлдвэрлэх явдал цөөнгүй гарах болжээ.