“AliExpress”-ийн илгээмжээр халдвар тархах боломжгүй гэжээ

Хятадын “AliExpress” компани өдөр болгон дэлхийн бүх улсууд руу олон сая илгээмж явуулж байдаг. Иймд шинэ төрлийн коронавирусын халдвар газар авахыг дагаад эдгээр илгээмжээр халдвар тархах боломжтой эсэх талаар орон орны хүмүүс тодруулж лавлах нь ихэсжээ. Тухайлбал, “AliExpress”-аар маш идэвхтэй үйлчлүүлж Хятадаас маш их бараа, бүтээгдэхүүн шуудангийг илгээмжээр хүлээн авдаг Оросын хэрэглэгчид энэ талаар их лавлаж асуух болсон аж.

Үүнтэй холбоотойгоор "AliExpress Россия" компанийн удирдлага нь коронавирус нь шуудангийн илгээмжээр халдварлах боломжгүй талаар хэрэглэгчдэдээ албан ёсоор мэдээлжээ. Хятадаас захиалсан байраа нь ОХУ дах эцсийн хүлээн авагчдаа хүртэл усан онгоц, нисэх онгоц, машинаар 10-аас 30 хүртэл хоног явдаг тул вирус дамжин халдварлах боломжгүй гэсэн тайлбар өгчээ. Түүнчлэн "AliExpress Россия" нь Оросын Мэргэжлийн хяналттай байнга холбоотой ажилладаг, БНХАУ-ын Эрүүл мэндийн газраас өгсөн бүх заавар зөвлөгөөг дагаж биелүүлдэг, шинэ шаардлага гарч ирвэл биелүүлэхэд бэлэн гэсэн байна.