Видео: Коби Брайант охины хамт онгоцны ослын улмаас таалал төгслөө

Дэлхийн сагсанбөмбөгийн бүх цаг үеийн домгуудын нэг NBA буюу Хойд Америкийн сагсанбөмбөгийн лигийн талбайд 20 улирал Лос-Анжелес Лэйкерс багийн төлөө зүтгэхдээ 18 удаа NBA-ийн бүх оддын тоглолтонд сонгогдож, 5 удаа NBA-ийн аварга авч байсан, 2008 оны NBA-ын "Үнэ цэнэтэй тоглогч", Оскарын шагналт, NBA-ийн бүх цагийн үеийн оноо авалтын дөрөвдүгээр байранд бичигддэг Коби Бийн Брайант 41 насандаа онгоцны ослын улмаас таалал төгслөө.

Нисдэг тэргэнд өөр дөрвөн хүн явсан ба нэг ч хүн амьд үлдээгүй байна.  Зорчигчдын дунд түүний хоёр дахь охин, 13 настай Жианна Мариа Оноре Брайант ч мөн байсан гэнэ. Жианна аавынхаа үргэлжлэл болон сагсанбөмбөгийн спортоор хичээллэдэг байжээ. Тэрээр дөрвөн охины аав бөгөөд бага охин нь 2019 оны зургадугаар сард мэндэлсэн юм. Тэр “Sikorsky S-76 helicopter” гэх хувийн нисдэг тэргээр зорчиж явсан ба ослын шалтгааныг тодруулахаар ажиллаж байна. Нүдээр харсан гэрчүүдийн хэлж байгаагаар нисдэг тэрэг маш хурдтай нисч, толгод руу хүчтэй газардахдаа сүйрч, шатсан гэнэ.Осол Калифорни хотын Калабасас хотын ойролцоо болжээ.

Түүний амжилтууд:

-Нэг тоглолтод хамгийн олон удаа гурван онооны шидэлт амжилттай гүйцэтгэсэн-12 /2003/

-Тоглолтын хагас хамгийн олон удаа гурван онооны шидэлт амжилттай гүйцэтгэсэн-8 /2008/

-Нэг тоглолтод хамгтийн олон удаа дараалан гурван онооны шидэлт амжилттай гүйцэтгэсэн-9 /2003/

-Нэг үед хамгийн олон удаа чөлөөт шидэлт амжилттай гүйцэтгэсэн-14 /2005/

-1500 оноо авсан хамгийн залуу тоглогч /27 нас/

-2000 оноо авсан хамгийн залуу тоглогч /29/

-Цагариган дээрээс довтлох үзүүлбэрийн хамгийни залуу аварга /18/

-Гарааны бүрэлдэхүүнд гарсан хамгийн залуу тоглогч /18/

-NBA-гийн аварга-2000-2002, 2009, 2010

-Финалын үнэ цэнэтэй тоглогч /MVP/-2009, 2010

Улирлын үнэ цэнэтэй тоглогч-2007.

ЭХ СУРВАЛЖ: TMZ.COM