ХУУЛЬ СУРТАЛЧЛАН ТАНИУЛАХ ӨДӨРЛӨГ БОЛНО

Үндэсний батлан хамгаалахын их сургууль, Улсын прокурорын ерөнхий газартай хамтран өнөөдөр хууль сурталчлах өдөрлөгийг зохион байгуулна. Гурван танхимд зэрэг зохион байгуулах тус өдөрлөг 14 цагт эхлэх юм.

Энэхүү арга хэмжээнд Батлан хамгаалах яам, Зэвсэгт хүчний жанжин штабын төрийн цэргийн командлалын төлөөлөл, "Улаанбаатар" цэргийн хүрээний цэргийн анги байгууллагуудын хуулийн ажилтнууд оролцоно.

Монгол Улсын Батлан хамгаалах салбарын хууль, эрх зүйн шинэчлэл, Авилгын эсрэг, Гэмт хэргээс урьдчилан сэргийлэх тухай, Нийтийн албанд нийтийн болон хувийн ашиг сонирхлын зөрчлөөс урьдчилан сэргийлэх тухай, Монгол Улсын өнөөгийн эрүүгийн нөхцөл байдал, Гэмт хэргийн төрөл, Хуулиудыг хэрэгжүүлээгүйгээс нийгэм, эдийн засагт үүссэн бодит хохирол, үр дагавар зэрэг асуудлын талаар мэдээлэл хийж, харилцан санал солилцоно.