С.Эрдэнэ: Халдашгүй байдлын дэд хороо нь УИХ-ын гишүүдийн буруутай үйлдлийг хаацайлж байна

УИХ дахь АН-ын Зөвлөлийн дарга С.Эрдэнэ: -Ардчилсан намаас зарчмын нэг шаардлыг УИХ-ын дарга Г.Занданшатарт хүргүүлэх гэж байна. УИХ дах МАН-ын зарим гишүүдийн хууль бус үйлдэлтэй холбогдуулан, тухайлбал ЖДҮ-ийг дэмжих сангаас нэн хөнгөлттэй зээл авсан, төрийн ордонд хүний амь нас хохирсон гэмт хэрэгт шалгагдаж буй асуудлууд болон зарим гишүүдийн хөрөнгө, орлого огцом өссөн талаар шалгуулах хүсэлтийг УИХ-ын халдашгүй байдлын дэд хороонд удаа дараалан хүргүүлсэн. Гэтэл УИХ-ын ёс зүйн дэд хороо, Халдашгүй байдлын дэд хороо нь УИХ-ын гишүүдийн буруутай үйлдлийг хаацайлж, бурууг бусдад тохох замыг эрэлхийлэх байдлаар ёс төдий шийдвэр гаргаж байгаа нь төрийн нэр хүндийг уландаа гишгилж, сонгогчдыг үл хүндэтгэсэн явдал гэж үзэж байна. Хуулийн дагуу ажиллахыг шаардаж байна.