Дэлхийн улс орнууд Хятадаас ирсэн жуулчдад халдварын хяналт тавьж эхэллээ

Хятадад тархаад байгаа нь өмнө нь бүртгэгдэж байгаагүй вирусээр үүсгэгддэг уушгины хатгалгаа өвчин хүнээс хүнд халдварладаг болохыг тогтоогоод удаагүй байна. Иймд дэлхийн улс орнууд Хятадаас ирж байгаа жуулчдад халдварын өндөржүүлсэн хяналт тавьж эхэлсэн байна.

Вирус эхлэн тархсан Хятадтай хил залгаа Малайзийн хилийн шалган нэвтрүүлэх бүх цэгүүдэд хилээр орж ирж байгаа хүмүүсийг халууныг шалгадаг болсон байна. Ингээд зогсохгүй Хятадтай хил залгадаггүй алс холын Канадын удирдлага халдвараас урьдчилан сэргийлэх арга хэмжээ авах болсон дуулгажээ. Одооноос Канадын Торонто, Монреал, Ванкувер хотуудын олон улсын нисэх буудлуудад Хятадаас ирж байгаа зорчигчдыг шалгаж байхаар болсон байна.

Аюултай вирусээр өвдсөн тохиолдолд Хятадаас гадна Тайланд, Өмнөд Солонгос, Япон зэрэг улсуудад бүртгэгдсэн тул эдгээр улсуудад мөн л урьдчилан сэргийлэх арга хэмжээ авч эхэлсэн байна.

Вирус тараагч нь Ухань мужид тархан амьдардаг сарьсан багваахай байж болзошгүй гэж үзэж байгаа юм байна. Шинэ вирусын асуудлаар Дэлхийн эрүүл мэндийн байгууллага энэ сарын 22-нд яаралтай хуралдаан явуулахаар болжээ.