Нурмагомедов 100 сая долларын төлөө Макгрегортой тулалдахад бэлэн гэжээ

Тулааны холимог төрөл буюу “ММА”-ийн Оросын тамирчин Хабиб Нурмагомедовыг Ирландын КонорМакрегортой тулалдуулахыг хүсвэл 100 сая долларын шагналын сан хэрэгтэй гэж түүний аав Абдулманап Нурмагомедов мэдэгдсэн байна. Тэрээр “Бид ч бас Конортой хариу тулаан хийхийг хүсэж байгаа ч 100 сая доллар өгөх хэрэгтэй. Фергюсонтой хийсэн тулааны маргааш нь энэ мөнгийг өгвөл яагаад хариу тулаан хийж болохгүй гэж. Магадгүй ДэйнаУайт өөрөө ийм тулаан зохион байгуулахыг хүсэх ч юм билүү” гэж мэдэгджээ.

Ирландын Макгрегор нь жил гаруй тэмцээн уралдаанаас холуур явсны эцэст “ММА”-ийн дэвжээнд эргэн ирсэн юм. Тэрээр “UFC 246” тэмцээний гол тулаанд Америкийн ДональдСерронетэй тулж, 40 дэх секундэд нокаутад оруулан ялсан. Гэвч Абдулманап Нурмагомедов нь Серронег хүчтэй эсэргүүцэл үзүүлж чадах тамирчин биш гэж тодорхойлсон байна. “UFC”-ийн тэргүүн ДэйнаУайт нь Макгрегорыг ялалт байгуулж чадвал хүү Нурмагомедовтой тулах магадлалтай гол тамирчдын нэг болно гэж мэдэгдэж байсан юм.

Макгрегор ба Нурмагомедов хоёр 2018 оны аравдугаар сард тулахад Оросын тамирчид дөрөв дэх үедээ ялсан байдаг. Нурмагомедов нь мэргэжлийн дэвжээн дээр 28 удаа тулаан хийж нэг ч ялагдаагүй бол Макгрегор нь 22 ялж, дөрвөн удаа ялагдал хүлээж байжээ.