ОХУ шинэ Ерөнхий сайдтай боллоо

ОХУ-ын Ерөнхийлөгч Владимир Путин Оросын татварын албаны дарга асан Михаил Мишустиныг Ерөнхий сайдаар томилжээ. Томилохын өмнө нэрийг нь Оросын Төрийн Думагаар хэлэлцүүлэхэд түүхэндээ нэг ч гишүүн эсэргүүцэлгүй, бүгд дэмжсэн санал өгсөн байна.

МихаилМишустиныг шинжээчид улс төрийн амбицгүй, технократ буюу ажил үүргийн хэрэгжүүлэлтэд голлон анхаардаг олны танил бус хүн гэж үзсэн байна. Өөрөөр хэлбэл Мишустин нь ямар ч тохиолдолд улс төрийн рейтингээ өсгөх замаар Путинтэй өрсөлдөхгүй, зөвхөн түүнийг даалгаврыг дуулгавартай хэрэгжүүлэгч байна гэж үзжээ. Үүнээс болоод зарим нь Путин 2024 онд Үндсэн хуулийн дагуу Ерөнхийлөгчийн албанаас буусан ч Оросыг үргэлжлүүлэн далдаас удирдсан хэвээр байхын тулд ийм хүнийг гаргаж ирлээ гэж тайлбарлаж байна.