Швейцар улс авлигын хэргээр хураасан 1,3 сая долларыг буцаан өгнө

Швейцар улс авлигын хэрэгтэй холбоотой нь нотлогдон хураагдсан 1,3 сая долларыг Туркменистан улсад буцаан өгч байгаа тухайгаа албан ёсоор мэдээлжээ. Үүнтэй холбоотойгоор Швейцарын Гадаад яамнаас гаргасан мэдэгдэлд “Хууль бусаар олж авсан хөрөнгийг нутагт нь буцаан олгох бодлогыг хэрэгжүүлэх хүрээнд Швейцар улсад хураан авсан 1,3 сая орчим АНУ-ын долларыг Швейцар улс нь Туркменистанд буцаан өгч байна. Энэхүү мөнгийг НҮБ-ын Хөгжлийн хөтөлбөрийн эрүүл мэндийг хамгаалах хөтөлбөрийг хэрэгжүүлэхэд чиглүүлэх болно” гэжээ.

Энэ талаарх гэрээнд нэгдүгээр сарын 15-нд Швейцар, Туркменистан болон НҮБ-ын Хөгжлийн хөтөлбөрийн хооронд гэрээ байгуулан гарын үсэг зуржээ. Энэ төслийг хэрэгжүүлэх хүрээнд нутаг руу нь буцааж байгаа 1,3 сая доллароор сүрьеэгийн эсрэг эм худалдан авч Туркменистан руу явуулах юм байна.

Швейцар улс нь улс нь төртэй холбоотой этгээдүүдийн хууль бус замаар баяжиж байгаатай тэмцэх бодлогыг хэрэгжүүлж байгаа тул энэ мөнгийг хураан авсан гэж байна. Энэ бол Туркмений улстөрчдийн хууль бусаар олж авсан, өөрөөр хэлбэл авлигаар авсан мөнгийг хураан авч Туркменистанд буцаан өгч байгаа анхны тохиолдолд юм байна.