Меркель нь Ливийн асуудлаар Германд болох хуралдаанд оролцогч талуудыг нэрлэлээ

Ливийн иргэний дайны сөргөлдөгч талуудыг эвлэрүүлэх гэсэн Орос Туркийн хамтарсан санаачилга амжилтад хүрээгүй. Саррааж, Хафтар нар нэгэндээ биелүүлэхэд бэрх болзол шаардлага тавьж байсан тул Москвад болсон уулзалт анхнаасаа бүтэхгүй нь ойлгомжтой байсан гэх шинжээчид цөөнгүй байна. Ийм одоо Ливийн асуудлаар Берлинд явагдах хуралдаан ямар үр дүнтэй болох талаар таамаг дэвшүүлж байна.

Германы Канцлер АнгелаМеркель нь Берлин хотноо болох Ливийн асуудлын талаарх хуралдаанд эхлэх өдөр ба оролцогч орнуудыг нэрлэсэн байна. Ливийн иргэний дайны зогсоох сэдвээр явагдах энэхүү хуралдаан нь энэ сарын 19-нд явагдана. Тус хуралд Ливийн Үндэсний эв нэгдлийн Засгийн газрын тэргүүн ФайезСарраж, Ливийн Үндэсний армийн удирдагч маршал ХалифаХавтар нараас гадна НҮБ, Еврпын холбоо, Африкийн холбоо, Арабын орнуудын лийг гэсэн олон улсын байгууллагуудын төлөөлөгч, БНХАУ, ОХУ, АНУ, Их Британи, Франц, Итали, Египет, Алжир, Турк, Арабын Нэгдсэн Эмирт улсууд, Конго улсын төлөөлөгчид уригджээ.

Оролцогч талууд, ажиглагчдын хувьд Москвад болон хэлэлцээтэй зүйрлэхээргүй өндөр түвшинд болж байгаа тул үр дүн нь ч илүү нааштай байх боломжтой гэж байна.

Энэ зуур маршал Хафтарын арми нь Триполи хотоос өмнө зүгт байрлах газар хүчээ төвлөрүүлж эхэлсэн тухай Туркийн “Anadolu” агентлаг мэдээлжээ. Үүнийг мэргэжилтнүүд Берлиний хурал эхлэхээс өмнө Триполийг бүрэн эзэлдэггүй юм гэхэд ихээхэн хэсгийг хяналтдаа оруулахыг хичээж байгаагийн илрэл гэж үзсэн байна. Учир нь, ийм өндөр түвшний уулзалтын дараа сөргөлдөгч талуудыг тохиролцоонд хүрч, гал зогсоогоогүй тохиолдолд олон улсын зүгээс эдийн засаг, цэрэг, санхүүгийн элдэв хориг авч эхэлдэг.