Венецийн алдарт сувгууд усгүй болжээ

Алдарт Венец хэдхэн долоо хоногийн өмнө маш хүчтэй үерт автаад байсан бол сувгуудийнх нь ус татарч, жуулчдыг зугаацуулдаг завинууд нь сувгийн ёроолд хайргадан хөдөлгөөгүй болоод байгаа тухай “Sky News” мэдээлсэн байна. Өнгөрсөн оны арваннэгдүгээр сард Венецид үеэр болоход сувгуудын усны түвшинд 187см-аар өсөж, хотын төвийн 70 хувь нь үерийн усанд автан живж байсан. Тэгвэл одоо далайн түрлэг хэзээ ч байгаагүй нам түвшинтэй болсноор Венецийн олон сувгууд бараг усгүй болжээ. Улмаар үерийн үеэр сувагт хуримтлагдсан лаг шавар, хог ил гарч Венец хотын үзэмжийг таагүй хурагдуулах болсон. Үүнийг дагаад хотод ирэх жуулчдын тоо цөөрч, зочид буудлуудын үнэ өнгөрсөн оны мөн үеийнхээс 20 хувиар унажээ. Гэтэл арваннэгдүгээр сарын үерийн улмаас Венецийг чиглэсэн жуулчдын урсгал 40 хувиар буурч, үерийн хор уршгийг арилгахад шаардлагатай хөрөнгө босгоход асуудал үүсгээд байсан юм. Харин одоо ийнхүү үерийн үр дагаврыг арилгаж амжаагүй ус байхад ус татарсны аюул дайрч жуулчдын тоог өсөхөд саад болжээ.

Венецийг үзэж сонирхохоор жилд 30 сая орчим жуулчид ирдэг, цаашдаа энэ тоо улам өсөх хандлагатай гэж яригдаж байсан. Харин тус хотын уугуул оршин суугчдын тоо сүүлийн тавин жилийн хугацаанд 175 мянгаас 56 мянга болж цөөрсөн байдаг. Хотын оршин суугчдын өөр газар руу нүүхэд хүргэж байгаа гол шалтгаан нь жуулчдын тоо хэт их нэмэгдсэн явдал гэж мэдэгдэж байсан юм.