Парист болсон эсэргүүцлийн жагсаалын үеэр 20 хүн шархаджээ

Францын нийслэл Парист болсон тэтгэврийн тогтолцоог өөрчлөхийг эсэргүүцсэн ээлжит жагсаалын үеэр 20 хүн шархадсан тухай “BFMTV” суваг мэдээлсэн байна. Парис хотын наймдах дүүрэг дэх гэгээн Августины талбайд болсон эсэргүүцлийн жагсаалын үеэр хүмүүс цагдаа нар руу чулуу, шил нүүлгэж, цагдаа нар хариу арга хэмжээ авах үеэр ингэж олон хүн гэмтсэн гэж байна. Энэ жагсаал нь тэтгэврийн тогтолцооны өөрчлөлтийг эсэргүүцсэн шинэ оны анхны жагсаал байсан.

Францын Ерөнхийлөгч ЭммануэльМакрон нь тэтгэврийн тогтолцоог огт өөрчлөхгүй гэсэн сонгуулийн өмнөх амлалтаа зөрчин өөрчлөлт хийхээр болсны эсэргүүцсэн жагсаал өнгөрсөн оны арванхоёрдугаар сарын 5-аас эхлээд байсан юм. Энэхүү өөрчлөлтийг хэрэгжүүлэхээр болбол зарим ажил эрхэлдэг франчууд, түүний дотор тээврийн салбарын ажилтан, ажилчид тэтгэвэрт гарах олон тооны хөнгөлөлт эдлэхээ болих юм. Иймд эсэргүүцлийн жагсаал, ажил хаялтад нийтийн тээврийн салбарын ажилтнууд хамгийн идэвхтэй оролцож байгаа аж. Үүнээс болоод метро, хот хоорондын цахилгаан галт тэрэг, төмөр замын ажиллагаа ихээхэн алдагдаж, олон сая еврогийн хохирол учраад байгаа юм байна.