20 настай загвар өмсөгч нүцгэн зургаа зарж Австралид хандив цуглуулж байна

Австралид түймэр дэгдсэнээс хойш 17 хүн нас барж 1300 гаруй барилга байшин шатаад байна.  АНУ, Канад, Шинэ Зеланд зэрэг бусад улс орны тусламжийг авсан ч, гал түймрийг тогтоож барихад хүнд байгаа тухай "CNN" агентлаг онцолж байна. Австрали даяар түймэр асаж байгаа ч, өмнөд бүсийн Шинэ Өмнөд Уэльс мужид нөхцөл байдал хамгийн хүнд байна.Тэгвэл Америкийн Лос-Анжелес хотын загвар өмсөгч 20 настай Кейлен Уорд Австралийн гал түймэртэй тэмцэхэд зориулж 700 мянган ам.доллар цуглуулснаа зарлажээ. Тэрбээр буяны сангуудад дор хаяж 10 доллар хандивласан хүмүүст нүцгэн зургаа илгээж байгаа гэнэ.  Олон нийтийн сүлжээнд The Naked Philanthropist хэмээх нэрээр алдаршсан бүсгүй нэгдүгээр сарын дөрөвний өдөр Твиттер хуудсандаа 10 болон түүнээс дээш хэмжээний долларыг Австралийн ойн түймрийн хохирогчдод туслах санд хандивласан хүн бүрт нүцгэн зургаа илгээнэ гэж бичжээ.