Хятадад нууцлаг вирусийн гаралтай хатгаагаар өвдсөн хүний тоо 59 болжээ

Хятадын Ухань хотод гарал үүсэл нь тогтоогдоогүй вирусийн халдварын улмаас уушгины хатгаагаар өвдсөн хүний тоо 59 хүрээд байгаа тухай орон нутгийн эрүүл мэндийн хорооны мэдэгдэлд дурджээ. Өвдсөн хүмүүсийн долоогийнх нь биеийн байдалд хүн байгаа гэж байна. Өмнө нь бүртгэгдэж байгаагүй вирусээр үүсгэгдсэн хатгааны анхны тохиолдлууд арванхоёрдугаар сарын 12-нд бүртгэгдэж байсан бол нэгдүгээр сарын 5-ны байдлаар нэмж 59-н тохиолдол бүртгэгдсэн  байна. Мөн өвдсөн хүмүүстэй ойр байсан 163 хүн эмч нарын байнгын хяналтад байгаа аж.

Өвчнийг үүсгэгч вирус хаанаас үүсэлтэй нь тогтоогдоогүй байгаа ч халдвар авсан хүмүүсийн зарим нь далайн гаралтай бүтээгдэхүүний зах дээр ажилладаг байсныг судалгааны явцадтогтоосон гэж байна. Хамгийн гол нь халдвар хүнээс хүнд халдварладаг гэх ямар нэг шинж тэмдэг илрээгүй бөгөөд өвчний улмаас нас барсан тохиолдол гараагүй. Мөн өвчнийг амьсгалын цочмог хам шинж буюу SARS, Ойрх Дорнодын амьсгалын замын хамж шинж буюу MERS биш болохыг тогтоосон гэдгээ Ухань хотын эрүүл мэндийн хороо мэдэгджээ.