Япон хөдөө аж ахуйгаа Америкийн хиймэл дагуулын системээс хамааралгүй болгоно

Япон улс хөдөө аж ахуйн үйл ажиллагааны мониторинг ба төлөвлөлтийн хиймэл дагуулын өөрийн гэсэн системтэй болохоор шийдсэнтухай “Nikkei Asian Review” мэдээлсэн байна. Дэлхийг алсын зайнаас судлан тандах зориулалттай хиймэл дагуулуудыг хөдөө аж ахуйд цаг агаарын өөрчлөлтийг урьдчилан дүгнэх зорилгоор ашигладаг. Ингэснээр ган гачиг, үргэлжилсэн бороо, цочир хүйтрэл зэрэг байгалийн үзэгдэлд урьдчилан бэлдэх замаар болзошгүй хохирлыг багасгаж чаддаг. Мөн хиймэл дагуулын мэдээллийг үндэслэн тухайн жилийн ургацын хэмжээг тодорхойлдог.

Японы компаниуд  одоогоор хөдөө аж ахуйд шаардлагатай хиймэл дагууллын мэдээлэл авахдаа АНУ-ын Хөдөө аж ахуйн яамтай хамтарч ажилладаг, тэндээс ирэх мэдээллээс хамааралтай. Иймд Япон нь энэхүү хамаарлыг багасгах үүднээс өөрийн гэсэн хөдөө аж ахуйн мониторинг ба урьдчилан төлөвлөлтийн систем байгуулахаар шийдсэн юм байна. Японы Хөдөө аж ахуйн яам ба Японы сансрын уудам ба агаар мандлыг судлах агентлаг JAXA нь 2020 оноос өөрийн гэсэн системээ байгуулж эхлэх бөгөөд төлөвлөгөө ёсоор хэрэгжвэл 2023 он гэхэд үндэсний систем нь ажиллаж аж.