Airbus нийлүүлсэн онгоцны тоогоор нэгдүгээрт оржээ

Европын орнуудын хамтарсан “Airbus” концерн 2019 он үйлдвэрлэн захиалагчдад нийлүүлсэн онгоцныхоо тоогоор Америкийн “Boeing”-оос давж гарсан тухай “Reuters” агентлаг мэдээлсэн байна. “Airbus”-ын өөрийнх нь тооцсоноор 2019 онд 863 онгоц нийлүүлсэн. Харин “Boeing” нь 737 MAX загварын асуудлаас болоод 2019 оны нэгээс арваннэгдүгээр саруудад ердөө 345 онгоц захиалагчдадаа нийлүүлсэн гэж байна. Харьцуулахад, “Boeing” нь 2018 онд 806 онгоц үйлдвэрлэн нийлүүлж байжээ.

Ингэхдээ “Airbus”-ын үйлдвэрлэл дээр асуудал үүссэний тул нийлүүлэлтээ 2-3 хувиар бууруулахаас өөр аргагүй байдалд ороод байсан ч нэмэлт нөөц хүчээ дайчилснаар бэрхшээлийн даван төлөвлөж байсан 860 онгоцны оронд 863 онгоц үйлдвэрлэж чадсан юм байна.

Харин “Boeing” нь 2020 оны нэгдүгээр сараас хамгийн олон хувь борлогдож байсан 737 MAX загварын онгоц угсрах шугамаа зогсооно гэж мэдэгджээ.