Мэдээлэл холбооны экс сайдыг бүх насаар нь хорих ялаар шийтгэжээ

Мэдээлэл холбооны экс сайдыг бүх насаар нь хорих ялаар шийтгэжээ Вьетнамын шүүх Мэдээлэл холбооны сайд асан Нгуен Бак Шоныг улс оронд их хэмжээний хохирол учруулсан гэж үзээд бүх насаар нь хорих ялаар шийтгэсэн тухай “Sindonews” мэдээлжээ. Экс сайд нь төрийн компаниар илэрхий алдагдалтай худалдан авалт хийлгэхийн тулд 3 сая долларын хахууль авсан юм байна. Вьетнамын Нийгмийг аюулаас хамгаалах яамнаас энэ талаар гаргасан мэдэгдэлд “Нгуен Бак Шон нь төрийн мэдлийн Mobifone компанийг “Audio Visual Global” компанийн 95 хувийн хувьцааг худалдан авах гэрээг зөвшөөрүүлэхийн тулд авлига авсан хэрэгт буруутгагдсан” гэж дурдсан байж. 2015 оны сүүлээр Вьетнамын “MobiFone” компани нь 383,7 сая доллароор “Global Audio Visual” компанийн ихээхэн хэмжээний хувьцааг худалдан аваад байсан юм. Үүнээс болж Вьетнамын Засгийн газар санхүүгийн асар их алдагдал хүлээсэн. Энэ хэргийг мөрдөн байцаах явцад Вьетнамын хууль сахиулагчид олон зуун төрийн албан тушаалтнуудыг шалган саатуулсан авлигын хамгийн том хэрэг болсон. Шүүхээс тус хэрэгт буруутай гэж өөр 11 хүнд хоёроос 23 жил хүртэл хорих ял оноожээ. “MobiFone” нь Вьетнамын үүрэн телефоны хамгийн том гурван операторын нэг.