Хятадын төлөөлөгчид худалдааны гэрээнд гарын үсэг зурахаар Вашингтоныг зорино 

АНУ ба БНХАУ хоорондын худалдааны тохиролцооны эхний шатны гэрээнд гарын үсэг зурах ёслол энэ долоо хоногийн сүүлээр болно гэж “South China Morning Post” сонин мэдээлж байна. Үүнтэй холбоотойгоор АНУ-ын урилгаар Хятадын Төрийн зөвлөлийн шадар сайд Лю Хэ-ийн удирдсан Хятадын төлөөлөгчид ирэх оны нэгдүгээр сарын 4-нд Вашингтон руу нисэх аж. Үүний өмнөхөн худалдааны тохиролцооны эхний үе шатны гэрээнд БНХАУ-ын Тэргүүлэгч Си Жинпинь, АНУ-ын Ерөнхийлөгч Дональд Трамп нар гарын үсэг зурж магадгүй тухай яригдаж байсан. Гэвч АНУ нь Хонконг ба Шинжааны уйгаруудын талаарх хууль баталж, түүнийг нь Хятадын тал дотоод хэрэгт нь эрээ цээргүй хөндлөнгөөс оролцсон гэж эрс хатуу эсэргүүцсэн мэдэгдэл хийж байсан. Магадгүй үүнээс болоод хоёр улсын төдийгүй дэлхийн эдийн засагт нэн гэрээнд гарын үсэг зурах ёслолд Хятадын төрийн тэргүүн оролцох нь илүү гэж бодсон байж болох талтай.