Киргизийн Засгийн газар алтны компанийн мөнгөөр хорт хавдрын эмчилгээний төхөөрөмж авна

Киргиз Эрүүл мэндийн яам алт олборлолтын “Кумтор Голд компани”-с өгсөн 7 сая долларыг эмчилгээний өндөр үнэтэй тоног төхөөрөмж худалдан авахад зарцуулсан тухай Засгийн газрынх нь хэвлэлийн албанаас мэдээлжээ.

Тодруулбал, 3 сая 875 мянган доллароор  Киргизийн хавдар судлал ба цус судлалын төвд зориулан хорт хавдрын эмчилгээнд ашиглагддаг шугаман хурдасгуурын төхөөрөмж хоёр багцыг худалдан авсан аж. Эдгээр төхөөрөмжийг дараа жилийн гуравдугаар сард төхөөрөмжийг нийлүүлэх юм байна.

Үүнээс гадна ФИФА болон хилийн чанад дах донорууд нь нийслэл Бишкект хөл бөмбөгийн шинэ төв барихад зориулан 10 сая доллар цуглуулсан, барилгын ажил удахгүй эхэлнэ гэж  мэдээлсэн байна. Хөл бөмбөгийн төв нь бэлтгэл сургуулилт хийх хэд хэдэн талбайд, захиргааны байр, эмнэлгийн төв ба зочид буудлаас бүрдэх аж. Одоо төвийг барих газрын асуудлыг хотын удирдлагууд шийдэж байгаа юм байна. Цаашдаа Киргизийн хөл бөмбөгийн холбоо нь тус төвийг ашиглалтад орсны дараагаар Бишкек хотын удирдлагын мэдэлд шилжүүлэх бодолтой байгаа аж.