Казахстаны онгоц осолджээ

Казахстан улсын Алматы хотоос нийслэл Нур-султан руу нислэг үйлдэхээр хөөрсөн Bek Air компанийн нисэх онгоц унаж, осолджээ. Онгоцонд нийт 98 зорчигч  явснаас 14 хүн амь үрэгдсэн гэх мэдээллэл байна. Онгоц хөөрөх үед нисэх буудал өтгөн манантай, үзэгдэх орчин хязгаарлагдмал байсан гэдгийг гэрчүүд хэлжээ. Хөөрөөд тун удалгүй онгоц өндрөө алдан, хоёр давхан байшин дээр унасан гэнэ. Уг ослын шалтгааныг тодруулахаар тусгай комисс байгуулагдаж, шуурхай ажиллаж эхэлжээ.

Осол болоход ойрхон байсан Ройтерс агентлагийн сурвалжлагч ослын газарт хүчтэй манан орсон гэж мэдэгдсэн боловч ослын шалтгаан одоогоор тодорхойгүй байна.