​Германы саятан Шинэ Зеланд дах диваажинтай адил эдлэн газар нь хамт амьдрах хүмүүсийг хайж байна

Германы саятан Шинэ Зеланд дах эдлэн газар нь хамт амьдрах хүмүүсийг хайж байгаа тухай New Zealand Herald сонин мэдээлжээ. Савласан мөстэй кофе зарж саятан болсон КарРайпен гэгч герман саятан Шинэ Зеландын сонинд зар өгсөн байна. Тэрээр олон хөлийн газраас зайдуу байрласан эдлэн газар нь хамт амьдрах 10 хүн хайж байгаа тухайгаа бичжээ. Сонирхсон арван хүн диваажин шиг эдлэн газар нь ямар ч үнэ төлбөргүйгээр, тааваараа амьдрах боломжтой гэнэ. 70-аас доош насны эрэгтэй, эмэгтэй хүмүүс саналаа ирүүлж болно гэсэн байна. Эдлэн газар амьдрах хүмүүс хоёр хүнд зориулагдсан тусдаа байшингуудад амьдарна. Цагийг эдлэн газраар зугаалж, загс барьж, завиар аялж, усанд сэлж, Шинэ Зеландын араатан амьтадыг ажиглан тааваараа өнгөрүүлэх боломжтой гэж. Мөн эдлэн газарт морин спортоор хичээллэх талбай, жүчээтэй тул хувьдаа адуутай хүн түүнээ авчирч болно гэжээ.

Райпен нь 2000 онд Тасманы тэнгисийн эрэг дээр 223 гектар газар худалдан авч тохижуулсан. Одоо эдлэн газрыг 5,6 сая шинэ зеланд доллароор үнэлээд байгаа аж. The Independent сонины мэдээлснээр саятан эр 2016 онд газраа зарах гэж оролдсон ч худалдан авагч олдоогүй байна.

Диваажингийн эдлэн газар нь хот, суурин газраас нэлээд зайтай. Хамгийн ойр байрлах хот хүртэл машинаар 1,5 цаг явах хэрэгтэй болдог гэжээ.