​Австралид хэт халсны улмаас 3 сая га ой шатаад байхад өрнөдийн хэвлэлүүд мэдээлэхгүй байгаад оросууд гайхжээ

Австралид удаан хугацааны туршид 41-45 градус хүртэл халж байгаагаас дэгдсэн ойн түймэр асар их талбайг хамраад байгаа талаар өрнөдийн мэдээллийн гол агентлагууд ер онцлохгүй байна гэж тэд үзсэн байна.

Австралид есдүгээр сараас хойш дэгдэж байгаа ойн түймэр одоогоор 3 сая га ойг устгаж, 20 мянга гаруй байшин барилга асар олон араатан амьтадын аминд хүрч, дэлхийн байгаль орчинд ноцтой хохирол уруулсаар байгаа. Гэтэл энэ тухай орон нутгийн хэвлэлүүд л мэдээлэхээс хэтрэхгүй, өрнөдийн мэдээллийн гол агентлагууд сар гаруйн өмнө цухас мэдээлээд өнгөрснөөс хойш огт тоохгүй байна гэнэ.

Гэтэл энэ оны зун Сибирьд ойн түймэр дэгдэн 3 сая гаруй га ойн мод шатаж, олон зуун амьтан үхэж үрэгдэх үеэр өрнөдийн томоохон хэвлэлийн хэрэгслүүд өдөр алгасахгүй бараг гаруйн турш бүгд энэ сэдвийг хөндөн нийтлэл бичиж, Оросын эрх баригчдыг хүчтэй шүүмжилж байсан. Гэтэл Австралид дутахааргүй хүчтэй түймэр гарч, байгаль орчинд ноцтой хохирол учраад байхад яагаад энэ сэдвийг хөндөхгүй байгаад тэд гайхсан байна.

Үүнийг зарим нь "Австрали, Америк мэтийн ардчилсан орны ойн түймэр хэдий удаан шатаж, асар их талбайг хамарсан ч утаа нь "ардчилсан, хүний эрхийг дээдэлдэг" тул дэлхийн экологид хохирол учруулдаггүй болохоор хэвлэлийн агентлагууд тоодоггүй юм байна" гэж ажилжээ.