Ц.Нямдорж сайдын өндөр үнэтэй автомашин нь ШШГЕГ-т, улсын дугаар нь хүүд нь бий

Өнгөрсөн жил Хуульзүйн дотоод хэргийн сайд Ц.Нямдорж нь 300 орчим сая төгрөгийн ханштай 2018 оны "Lexus-570" маркийн автомашин хөлөглөж олны дургуйцлийг хүргэсэн. Монгол Улсын Ерөнхий сайд У.Хүрэлсүх шударга сайдынхаа энэ тансаглалд цэг тавьж буцааж зарахыг үүрэгдсэнээр дуулиан дуусч байв.170 иргэн 60 насандаа тэтгэвэрт гаралгүй, таван жил илүү ажиллах цалинтай тэнцэх хэмжээний өндөр өртэйгтэй тансаг зэрэглэлийн өнөөх автомашинд зүүлттэй байсан "0101-УБҮ" автомашины улсын дугаар Ц.Нямдоржийн төрсөн хүү Н.Баясгалангийн жийп автомашинд зүүлттэй явах юм.

Таны харж байгаа энэхүү автомашин бол "Кластер" компанийн мэдэлд байдаг 2011 онд үйлдвэрлэгдсэн "Lexus-570" маркийн автомашин. "Кластер" ХХК нь МАН-ын төв байр тусгаар тогтнолын ордны хоёрдугаар давхрын "eclipse" зоогийн газрыг ажиллуулдаг юм. Тус компани нь Хуульзүйн дотоод хэргийн сайд Ц.Нямдоржийн төрсөн хүү Н.Баясгалангийх аж.

Тэгэхээр Ц.Нямдорж нь өнөөх үнэтэй автомашинаа буцаасан ч улсын дугаарыг нь хүүгийнхээ автомашинд аваад үлдсэн байх юм. Энгийн иргэд бол нэг автомашины улсын дугаарыг ийнхүү авч үлдэх боломжгүй, нэг автомашин нэг дугаар гэдэг дүрэм мөрдөгддөг юм. Улсын автомашинд олгосон дугаар яаж яваад сайдын хүүгийн компанийн мэдэлд очив гэдэг нь анхаарал татаж байна.

Энэ асуудлаар АТҮТ-ийн ахлах мэргэжилтэн Ш.Найданхүүгээс тодруулахад "ШШГЕГ-ын хэлтсийн даргын албан бичгээр ХЗДХ-ийн сайд Ц.Нямдоржийн ашиглаж байсан 01-01 УБҮ дугаарыг сольсон. Солигдсон дугаар нь харин Ц.Нямдоржийн хүүгийн автомашинд ирсэн байна." гэлээ

Бид мөн энэ асуудлаар Шүүхийн шийдвэр гүйцэтгэх ерөнхий газрын дарга Д.Дамдинцэрэнгээс тодрууллаа.