Танк, хуягтаар дэмжүүлсэн алан хядагчид Сирийн арми руу гэнэтийн дайралт хийжээ

Сирийн Идлибийн орчим Зайтун дүүргийн ойролцоох өндөрлөгт байрлаж байгаа Сирийн Засгийн газрын цэргийн эсрэг танк, хуягтаар зэвсэглэсэн зуу орчим зэвсэгт этгээдүүд дайрсан тухай Оросын зэвсэгт хүчний байгуулсан Сөргөлдөгч талуудыг эвлэрүүлэх төвөөс мэдээлсэн байна. Дайралтад "ХайатТахрир аш-Шам", "Хуррас ад-Дин", "Сирийскаянациональнаяармия" гэж өөрсдийгөө нэрлэдэг зэвсэгт бүлэглэлийнхэн оролцсон байна.

Давшилт хоёр газраас зэрэг явагдсан аж. Эхнийх нь Таман суурины орчим хоёр танк, хуягтаар дэмжүүлсэн 40 орчим хүн дайрсан. Дараагийнх нь Зайтын тосгоны орчим 60 гаруй зэвсэглэсэн этгээд минийн талбайд гарц гарган чухал ач холбогдолтой өндөрлөгийг эзлэх гэж оролдсон байна.

Сирийн Засгийн газрын арми алан хядагчдын нэг танк, нэг хуягтыг устган бүх дайралтуудыг амжилттай няцаасан аж. Гэвч үүнээс төд удалгүй том калибрын зэвсэглэл ачсан жийп машинаар дэмжүүлсэн 200 гаруй зэвсэгт этгээд Идлиб мужийн Умм-ХалахильбаЗарзур тосгодын орчим Засгийн газрын байрлал руу дайрчээ. Сирийн армийнхан энэ дайралтыг ч амжилттай няцаасан байна.

Дайралтад оролцсон гэгдэж байгаа "Сирийскаянациональнаяармия" нэртэй зэвсэгт бүлэглэл нь Туркээс зэвсэг, техникийн дэмжлэг авдаг бөгөөд курдуудын эсрэг хийсэн "Энхийн булаг" ажиллагаанд Туркийн армийн хамт орголцож байсан юм.