Киргизүүд бидэнтэй адил

Нэлээд хэдэн сарын өмнө Монголд 2015 оноос хойш жолооч нар замын хөдөлгөөний дүрмийн зөрчилд 4,5 сая төгрөгийн торгууль оноосн ч 2,6 сая нь төлөгдөөгүй байгаа тухай яригдаж байсан. Тэгвэл замын хөдөлгөөний дүрэм зөрчөөд авсан торгуулиа төлөхгүй байх хандлага зөвхөн манай улсад ажиглагддаггүй бололтой. Киргизийн Economist.kg сайтын мэдээлж байгаагаар тус улсын зам дээр байрлуулсан камерууд хагас жилийн дотор 500 мянга гаруй зөрчил илрүүлж, торгууль оноосон ч киргиз жолооч нарын ердөө 42 хувь нь торгуулиа төлсөн гэж байна. Ингээд ч зогсохгүй торгуулиа цаг тухайд нь төлдөг жолооч нарын тоо сүүлийн саруудад эрс буурсан үзүүлэлт гарчээ. Тухайлбал, 2019 оны гуравдугаар сард ЗХД-ийн зөрчилтэй жолооч нарын 72 хувь нь торгуулиа төлж байсан бол наймдугаар сард ердөө 14 хувь нь торгуулиа төлсөн байна.

Иймд эрх баригчид торгуулийн төлөлтийг сайжруулах зорилгоор 50 хувийн хөнгөлөлт үзүүлэх аян өрнүүлэхэд нийт төлөх ёстой торгуулийн 20 хувийг л цуглуулж чадсан байна. Гэхдээ Киргизийн эрх баригчид энэ талаар илүү нухацтай ажил зохион байгуулж зөрчил гаргасан жолооч нарт оноосон 2,3 тэрбум сомон(ойролцоогоор 80 тэрбум төгрөг)-ыг таван жилийн дотор бүрэн цуглуулж дуусахаар төлөвлөөд байгаа аж. Киргизийн нэг жолоочид дунджаар 6 мянган сомон буюу 200 мянга орчим төгрөгийн торгууль ногддог аж. Киргиз даяар 10 мянга ба түүнээс дээшсомонийн торгуультай 25 мянга 254 жолооч байгаа юм байна.