Ардчилсан намынхан 100 сая төгрөгөө тушаагаад эхэлжээ

АН-аас ирэх сонгуульд нэр дэвших хүсэлтээ ҮБХ-ны гишүүдээс 100 сая төгрөгийг хураагаад эхэлсэн. Дэнчин мөнгөний эхний хураалт нь 2019 оны арванхоёр дугаар сарын 15-нд ҮБХ-ны 76 гишүүн тус бүртээ 40 сая төгрөгийг хураалгах байв. ҮБХ-ны 60 гаруй гишүүн энэ мөнгийг өгсөн бөгөөд 10 гаруй нь өгөөгүй учир хугацааг хоёр хоногоор сунгажээ. 15-ны өдөр нь амралтын өдөр таарсан учир өнөөдрийг хүртэл мөнгө хураах өдрийг сунгасан гэж АН-аас гишүүдэдээ дуулгасан байна. Тус нам нь ийнхүү эхний байдлаар 3,4 тэрбум төгрөгийг нэр дэвшихийг горилогч нараасаа хураагаад авч байна гэсэн үг. 76 нэр дэвшигчээс тус бүрээс нь 100 сая төгрөг татвал тус нам 7,6 тэрбум төгрөгтэй болно гэсэн үг. 100 сая төгрөгөө өгөөд нэр дэвшиж чадахгүй бол албан тушаалд очих гэрээтэй аж. Тус намын дэнчин мөнгөний талаар АН-ын дарга С.Эрдэнээс тодруулж байв.