​АНУ Сирийн газрын тосыг хууль бусаар Туркт зарж байна

Сирийн Ерөнхийлөгч Башар Асад Хятадын "Феникс" сувагт ярилцлага өгөхдөө АНУ-ыг хууль бусаар хяналтдаа авсан Сирийн орд газруудын газрын тосыг Турк руу контрбандаар зарж байгаа гэж мэдэгджээ.

Евфрат мөрнөөс зүүн зүгт байрлах орд газруудаас олборлож байгаа газрын тосыг Америкчууд ямар зорилгоор ашиглаж байгаа талаарх ухай сэтгүүлчийн асуултад хариулахдаа Асад "Одоо Америк нь газрын тосыг хулгайлж Туркт зарж байна" гэжээ. Мөн Сирид АНУ-ын албаны хүмүүсийн мэдээлж байгаа шиг хэдхэн зуу бус харин хэдэн мянган цэргийн албан хаагчид байгаа гэдгийг онцолсон байна. Тэрээр "Америкийн дэглэм дайны үеэрBlackwater маягийн хувийн цэргийн компаниудад ихээхэн түшиглэдэг. Тэгэхээр тэд Сирид үнэхээр хэдэн зуун америк цэргийг байлгаж байгаа бол цаана нь хувийн цэргийн компаниудад ажиллаж, Сирийд дайтаж байгаа хэдэн мянган эсвэл бүр арван мянган армийн бус хүмүүс байгаа. Тиймээс тодорхой тоого тогтоох хэцүү ч хэдэн мянган хүн гэдэг нь гарцаагүй" гэжээ.

АНУ-ын Батлан хамгаалахын сайд Марк Эсперарванхоёрдугаар сарын эхээр Америк нь Сирийн зүүн хойд нутаг дах цэргийн хүчээ шинэ байрлал руу нүүлгэж дууссан, Сирийн нутаг дээр Америкийн 600 цэргийн албан хаагч үлдэнэ гэж мэдэгдэж байсан. Цэргээ Сири улсаас бүрэн гаргалгүй үлдээх болсон шалтгаанаа тус улсын газрын тосны орд газруудыг алан хядагчдын гарт орохоос хамгаалахын тулд гэж тайлбарлаж байсан.