Энэтхэгт иргэншил олгох шинэ хуулийг эсэргүүцсэн жагсаал үймээн болж хувирчээ

Энэтхэгийн эрх баригчид иргэншил олгох шинэ хууль баталсныг эсэргүүцэн лалын шашинтнууд гол төлөв амьдардаг мужуудад гарсан жагсаал цуглаан нь үймээн, эмх замбараагүй байдал болж хувирчээ.NDTV сувгийн мэдээлж байгаагаар Баруун Бенгалимужид жагсагчид 15 автобус шатаасан бол, Муршидабад тойрогт эсэргүүцэгчид галт тэрэгний тасалбар түгээх төвүүдийг дээрэмдэж, албан хаагчдыг нь зодож танхайрсан байна. Мөн лалын шашинтан жагсагчид машин болон төмөр замуудыг хааж, дэлгүүр хоршоог дээрэмдэж эхэлсэн гэж байна. Мужийн удирдлага нь эмх замбараагүй байдлыг өдөөн хатгагчдын эсрэг хамгийн хатуу арга хэмжээ авна гэж мэдэгдсэн байна.

Үүнээс өмнө Баруун Бенгалитай залгаа Ассам мужид их хэмжээний үймээн болж, цагдаа нартай хийсэн мөргөлдөөний үеэр гурван хүн амиа алдсан аж.

Иргэншил олгох шинэ хуулиар Пакистан, Афганистан, Бангладеш зэрэг орноос дүрвэн ирсэн лалын шашинтан бус хүмүүст Энэтхэгийн иргэншил хялбаршуулсан журмаар олгодог болно. Үүний Энэтхэгийн лалын шашинтнууд Үндсэн хуулин дах шашин шүтлэгээр ялгаварлан гадуурхахгүй гэсэн заалтыг зөрчсөн гэж үзсэн хүчтэй эсэргүүцэж эхэлсэн байна. Мөн Бангладеш гэх мэт улсаас дүрвэн ирсэн хэдэн зуун мянган хүн иргэншилтэй болсноор нутгийн иргэдийн амгалан тайван байдалд аюул учруулна гэж жагсаж байгаа аж.