​Америкийн Нью-Жерсид болсон буудалцаан еврейчүүдийн эсрэг чиглэсэн байж болзошгүй

Америкийн Нью-Жерсид болж, зургаан хүний аминд хүрсэн буудалцан нь еврей хүмүүсийн эсрэг хийсэн дайралт байж болзошгүй гэсэн мэдээллийг Sky News тараажээ. Үүнээс өмнө энэхүү буудалцааныг хар тамхины наймаачид ба тэднийг илрүүлэхээр ажиллаж байсан цагдаагийн нууц ажилтны хооронд болсон гэж мэдээлж байсан юм.

Зэвсэглэн хоёр этгээд еврей үндэстний уламжлалын дагуу бэлдсэн хоол хүнс зардаг дэлгүүрт хүмүүс рүү гал нээсэн, тэдний суманд өртөж амиа алдсан хүмүүсийн хоёр нь хасид еврейчүүд байсан зэргээс үүдээд тусгайлан еврейчүүдийн эсрэг чигэлсэн дайралт байсан гэсэн дүгнэлт хийж байгаа бололтой.

Дөрвөн цаг орчим үргэлжилсэн энэхүү буудалцааны улмаас зэвсэглэсэн хоёр этгээд, гурван энгийн иргэн, нэг цагдаа гээд зургаан хүн амиа алдсан аж. Цагдаа нар хэргийн газрын ойролцоох еврейн шашны сүм, еврейчүүдийн байгууллагуудыг хүчлэн хамгаалтад аваад байгаа юм байна.