​Ангела Меркель ес дэх жилээ дараалан дэлхийн хамгийн нөлөөтэй эмэгтэйгээр шалгарлаа

"Forbes" сэтгүүлээс 2019 оны дэлхийн хамгийн нөлөөтэй эмэгтэйчүүдийг тодруулахад жагсаалтыг Германы канцлер АнгелаМеркель тэргүүлсэн байна. Ингэснээр АнгелаМеркель нь есөн жил дараалан дэлхийн хамгийн нөлөөтэй эмэгтэйгээр шалгарч байгаа юм. Жагсаалтын хоёрдугаарт Олон улсын валютын сангийн тэргүүн КристинЛагард орсон бол гуравдугаарт нь АНУ-ын Конгрессын төлөөлөгчдийн танхимын спикер Нэнси Пелоси оржээ.

Хамгийн нөлөөтэй арван эмэгтэйн тоонд түүнчлэн Европын коммиссын Ерөнхийлөгч Урсула фон дерЛяйен, General Motors-ын Ерөнхий захирал МэриБарра, тэрбумтан Билл Гейтсын эхнэр МелиндаГейтс, Fidelity Investments компанийн Ерөнхийлөгч ЭбигейльЖонсон, Santander санхүү зээлийн группын захирлуудын зөвлөлийн тэргүүлэгч Ана ПатрисияБотин, IBM компанийн ерөнхий захирал ЖинниРометти, батлан хамгаалах салбарт үйл ажиллагаа явуулдаг Lockheed Martin компанийн тэргүүн Мэрилин Хьюсон нар оржээ.

Их Британийн хатан хаан II Елизавет нь 40 дүгээр байранд орсон бол ДональдТрампын охин 42 дугаар байранд оржээ. Харин энэ жилийн хамгийн том дуулианы эзэн гэгдэж байгаа экологийн хөдөлгөөний идэвхтэн Грета Тунбергийг Forbes сэтгүүл нь дэлхийн хамгийн нөлөөтэй эмэгтэйчүүдийн жагсаалтын адагт оруулсан байна.