Н.Номтойбаяр: АТГ-ын дарга Ш.Дашдаваа, УЕПГ-ын дарга Б.Жаргалсайхан намайг татах бичгээ оруулаад ир

УИХ-ын гишүүн агсан Г.Батхүү Төрийн ордон амиа алдсан харамсалтай хэрэг өнгөрсөн тавдугаар сард гарсан. Хэргийг хуулийн байгууллагаас шалгаж буй ч эцэслэн шийдэгдээгүй байгаа юм.Тус хэрэгт УИХ-ын гишүүн Н.Номтойбаярыг яллагдагчаар татаад байгаа юм. Мөн Хөдөлмөр, халамж үйлчилгээний ерөнхий газар (ХХҮЕГ)-ын дарга Б.Нямдаваа, Хөдөлмөрийн асуудал хариуцсан дэд дарга Б.Шижиржаргал нарыг өнгөрсөн сараас шалгаж, ажлын байр болон гэрт нь нэгжлэг хийсэн талаар бид өмнө мэдээлж байв. Учир нь тэднийг 27 аж ахуйн нэгжид давуу байдал олгон, сонгон шалгаруулалтгүйгээр тус бүрд нь 200 хүртэлх сая төгрөг буюу нийт 4 тэрбум төгрөг шилжүүлсэн гэж үзэж байгаа юм. Тухайн үед Хөдөлмөр эрхлэлтийг дэмжих санг хариуцсан Хөдөлмөр нийгмийн хамгааллын сайдаар УИХ-ын гишүүн Н.Номтойбаяр ажиллаж байсан бөгөөд дээрх этгээдүүд "Н.Номтойбаярын үүрэг даалгаврыг биелүүлсэн. "Санаа зоволтгүй, яамнаас шийдвэртэй учир шууд гарын үсгээ зур" хэмээн тулган шаардаж зуруулж байсан" гэх утгатай мэдүүлэг өгснийг хэлдэг. Тэгвэл УИХ-ын гишүүн Н.Номтойбаяр дээрх хоёр асуудлаар мэдээлэл хийж байна.