Chrome браузер хэрэглэгчийн нууц үг алдагдахыг анхааруулдаг болжээ

Хэрэглэгчийн нууц үгийг хулгайлсан эсвэл алдагдсаны улмаас найдваргүй болсон тохиолдолд анхааруулга өгдөг функц бүхий "Chrome" браузерын шинэ хувилбарыг "Google" компаниас гаргажээ. Өмнө нь тусгай плагин ашиглан бүртгэлийн нууц үг алдагдсан эсэхийг шалгадаг байсан бол одоогоосэнэ боломжийг браузерт ийнхүү шууд суулгаж өгсөн байна. Хөндлөнгийн сайтууд дээр аккаунт руугаа орох болгонд Chrome 79 нь 4 тэрбум гаруй алдагдсан бүртгэл бүхий мэдээллийн сантай тулган шалгаад нууц үг алдагдсан байж болзошгүй тохиолдолд хэрэглэгчийг бүртгэлийн нэр, нууц үгээ солих шаардлагатай болсон тухай анхааруулж байх аж.

Үүнээс гадна "Chrome 79" нь хуурамч сайт ашиглан хэрэглэгчийн бүртгэл, нууц үгийг хулгайлах буюу фишингээс илүү сайн хамгаалдаг болсон гэж байна. Өмнө нь хагас цаг тутамд шинэчлэгдэж байдаг хуурамч сайтуудын жагсаалтыг ашигладаг байсан бол луйварчид домен нэрээ өөрчлөх эсвэл хайлтын системээс хялгар нуугдаж сурсан тул одоо "Chrome" нь хуурамч сайтуудыг онлайн горимд ялган таньдаг болжээ.