​Украйны төмс, хүнсний ногооны үйлдвэрлэгчид хэт өндөр үнэ хэлж байгаагаас иргэд нь Оросоос төмс авч байна

Зүүн Европ, түүн дотроо Украйн, ОХУ зэрэг улсуудын хувьд төмс нь стратегийн чухал ач холбогдолтой бүтээгдэхүүн гэж болно. Гэтэл 2019 оны долоогоос есдүгээр саруудад Украйнд оруулж ирсэн импортын төмсний хэмжээ өнгөрсөн оныхоос 700 дахин нэмэгдсэн, арваннэгдүгээр сард 46 мянган тонн төмс импортлон оруулж ирсэн нь өнгөрсөн оны мөн үеийнхээс 15 мянга дахин их тоо гэдгийг энэ чиглэлээр судалгаа явуулдаг "EastFruit" сайт мэдээлсэн байна.

Сүүлийн саруудад Оросоос гол төлөв оруулж ирсэн импортын төмс нь нийт борлуулалтын тэн хагасыг эзэлсэн байна. Импортлогчид нь төмсийг Украйны үндэсний үйлдвэрлэгчдээс даруй хоёр дахин хямдаар оруулж ирж байгаа учраас ийм байдал бүрдсэн аж. Гэтэл Украйны фермерүүд төмснийхөө үнийг ялихгүй буулгахаас өөр ямар нэг арга хэмжээ аваагүй гэж байна. Гэтэл Украйнчууд олон жилийн дадал зуршлаа дагаад есдүгээр сард хямд үнээр импортын төмс их хэмжээгээр авч нөөцөлсөн. Ийм байхад ч украйн фермерүүд нөөцөлсөн төмсөө хямдруулан зарахгүй өндөр үнээр шахахыг хичээсээр байгааг НҮБ-ын Хүнс ба хөдөө аж ахуйн байгууллагын дэргэдэг хөрөнгө оруулалтын департаментын эдийн засаг АнрейЯрмак онцолжээ. Одоо Украйны фермерүүдэд өндөр үнээр зарахаар нөөцлөөд байгаа төмсөө зарахад ердөө 4 сарын хугацаа байгаа гэж байна. Үүнээс цаашаа эрт ургацын шинэ төмс гарч ирснээр хуучин төмсөө зарах боломжгүй болох гэнэ.

Энэ бүс нутагт дахь төмсний хамгийн том импортлогч нь ОХУ. Оросоос гадна Украйн руу Азербайжан, Египет, Хятадаас хүртэл нийт 500 мянган тонн төмс импортлон оруулж ирж зардаг аж. Гэхдээ ийм байдал гэнэт бий болоогүй гэж байна. Зөвхөн төмс гэлтгүй 2018-2019 онуудад Украйн нь хүнсний ногооны импортоор дээд амжилт тогтоогоод байгаа. Хүнсний ногооны үнэ 2017-2018 оныхоос 27 хувиар өссөн бол төмсний үнэ даруй 3 дахин өсжээ.