Сураггүй болсон жуулчид амиа алдсан байж магадгүй

Шинэ зеландын зүүн хойно оршдог Цагаан арлын уайт галт уул өнгөрсөн даваа гарагийн үдээс хойш гэнэт дэлбэрснээс таван хүн амиа алдаж, найман хүн сураггүй болжээ. Амиа алдсан хүмүүсийн нэг нь Малайзын жуулчин болохыг одоогоор тогтоогоод байгаа аж. Сураггүй бологсдын дотор Шинэ зеланд, Австрали, АНУ, Британийн иргэн байгаа гэнэ. Тэднийг амиа алдсан байх гэсэн таамгийг Шинэ зеландын холбогдох албаныхан дэвшүүлж байна. Галт уулыг дэлбэрэх үед арал дээр 47 жуулчин байжээ. аврагдсан хүний зарим нь гүн түлэгдсэн, биеийн байдал нь хүнд байгаа ажээ. Тус улсын хойд нутагт орших Цагаан арал нь жуулчдын хамгийн их зорьдог газрын нэг бөгөөд жил бүр дунджаар 10 мянган жуулчин зорьж очдог. Хүн ам суурьшдаггүй тус арал нь идэвхтэй галт уулаараа алдартай. Орон нутгийн хэвлэлүүдийн мэдээлснээр, өнгөрсөн сард тус арлын галт уул дэлбэрэх түгшүүрийн түвшинг нэг зэргээр ахиулж байжээ.

https://www.bbc.com/news/ world-asia-50723352