​Хятадад химийн бодис ашиглан цайруулж, аюултай бодисоор утаж ариутгасан саримсыг импортлон оруулж ирж байна

Саримс нь даралт ихсэхээ сэргийлдэг, цусан дах холестерины хэмжээг багасгах, ханиад томуунаас урьдчилан сэргийлэх нөлөөтэй тул дэлхий даяар хүнсэнд өргөн хэрэглэгддэг ногоо. Гэхдээ дэлхийн хэмжээнд худалдаалагдаж байгаа саримсны 80 хувийг Хятадаас нийлүүлдэг гэдгийг хүмүүс тэр бүр мэддэггүй. Органик гэсэн нэрээр худалдаалагдаж байгаа саримсыг ч Хятадаас оруулж ирдэг. Харин Хятадын талаас өгсөн органик гэсэн гэрчилгээнд итгэхэд тун бэрх. Хэдий ийм ч гэлээ өнгөрсөн жил гэхэд л АНУ нь Хятадаас 138 сая фунт саримс импортлон оруулж ирсэн байх юм.

Гэтэл Хятадаас оруулж ирж байгаа саримсны өнгийг цайруулсан байдаг нэг онцлогтой. Австралийн саримс үйлдвэрлэгчдийн холбооны Генри Беллын ярьж байгаагаар Хятадаас орж ирж байгаа саримсыг соёолох явцыг зогсоох, өнгийг нь цайруулах, хортон шавжийг нь устгах ба бордооны үлдэгдлээс цэвэрлэхийн тулд химийн бодисоор шүршиж ариутгадаг аж. Ингээд зогсохгүй Хятадад саримсыг зохих ёсоор ариутгал хийгээгүй муу усанд ургуулдаг гэж байна.

Генри Белл "Саримсны зарим үйлдвэрлэгч нь бордоо болгож муу усыг ашигладаг гэдгийг би баттай мэднэ. Бас Австралид мөрдөж байгаа ургамлын карантины дүрэм журам нь Хятадаас оруулж ирж байгаа саримс дээрх бактерийг илрүүлэхэд хангалттай гэдэгт би итгэдэггүй. Мөн Хятадад хэрэглэж байгаа хортон шавж ба өвчин эмгэгээс сэргийлж метилбромидоор утах арга буюу фумигац хийх арга нь үр дүнтэй гэдэгт эргэлзэж байна".

Хятадад саримсыг боловсруулахдаа метилбромид их хэмжээгээр ашиглаж байна. Гэтэл метилбромид нь хортой бодис. Өндөр агуулгатай үедээ амьсгалын эрхтэн ба төв мэдрэлийн системийг гэмтээж, заримдаа үхэлд хүргэх аюултай. НҮБ-аас гаргасан мэдээнээс үзвэл метилбром нь озоны давхаргыг нураах үйлчлэлээрээ хлороос 60 дахин илүү.

Түүнчлэн Хятадын саримсыг хар тугалга, сульфат зэрэг аюултай бодисуудаар шүршиж боловсруулж байна.

Тиймээс дараагийн удаад дэлгүүрээс саримс авахдаа зөв сонголт хийх хэрэгтэй. Хятад саримсыг ялган таних нэг шинж тэмдэг байдаг. Америкийн Калифорнийд ургуулсан саримсны уг хэсэг үндсийнх нь тодорхой хэсгийг үлдээж тайрсан байдаг тул Хятадаас импортлон оруулж ирсэн саримснаас илүү хүнд болгодог.

Эх сурвалж: http://healinglifeisnatural.com/