​Хонконгийн цагдаа Украйны неонацистуудыг баривчилна

Хонконгийн цагдаагийн газар Хонконгт болж байгаа эсэргүүцлийн жагсаал, гудамжны үймээн, цагдаа нарын эсрэг хийж байгаа тэмцэлд Украйны неонацистууд оролцож байгаа хэргийг мөрдөж байгаа тухайгаа зарласан гэдгийг "Global Times" мэдээлсэн байна. Цагдаагийн газар нь мөрдлөг явуулж байгаа тул дэлгэрэнгүй тайлбар өгөх боломжгүй гэсэн ч Украйны хэт үндсэрхэг үзэлтнүүд үймээнд оролцсон гэсэн хангалттай нотлох баримт цуглуулсны дараа ял тулган баривчилна гэж мэдэгдсэн гэсэн аж.

Хонконгтарванхоёрдугаар сарын 3-нд болсон жагсаал дээр Украйны хэт үндсэрхэг үзэлтнүүдийн "Азов" батальоны ахмад дайчид, "Правый сектор" хэт үндсэрхэг үзэлтнүүдийн хөдөлгөөний гишүүд оролцсон нь тогтоогдсон байна. Тодруулбал, Украйны зүүн нутгийн салан тусгаарлагчдын эсрэг байлдаж явсан Сергей Филимонов гэгч нь "Facebook" хуудсан дээрээ Хонконгт очсон бичлэгээ оруулахдаа "төрөл садан минь халуун дотно угтан авлаа" гэсэн тайлбартайгаар оруулсан байна. Мөн "Правый сектор" хөдөлгөөний идэвхтэн С.Стерненко гэгч Хонконгт байгаа тухайгаа мэдээлэл оруулсан байна.

Энэ аравдугаар сард БНХАУ-аас ОХУ-д суугаа Элчин сайд Жан Ханьхуэй нь Хонконгийн эсэргүүцлийн жагсаалд Украйны хэт үндсэрхэг үзэлтнүүд оролцож байгаа хөдөлшгүй баримт бий тухай мэдэгдэж байсан. Тэрээр украйн неонацистууд бослого үймээн дэгдээх, цагдаа нарын эсрэг тэмцэх туршлагаасаа Хонконгийн босогчдод дамжуулахаар явж байгаа гэж мэдэгдэж байжээ.